R300 000 vir die Huisgenoot- en YOU-plakstukwenner!

"Ek het nogal vooraf vir hulle gesê hulle moet seker maak my naam is reg gespel, want ek soek nie 'n fout op die tjek nie!" sê Fay Goldwasser van Westville, Durban, laggend.

Die R300 000-tjek was in 'n deurskynende perspeksboks toegesluit en die finaliste het elkeen 'n beurt gekry om een van vyf sleutels te kies. Die een wie se sleutel die boks oopgesluit het, sou die wenner wees. Fay het die derde sleutel gekies, nader gestaan en toe... "Ek kon nie glo toe die sleutel in die slot draai nie! Ek kan dit nou nog nie glo nie."

Fay het vooraf gesê sy sal vir haar dogter Michelle in Doebai gaan kuier as sy die geld wen en toe ons haar twee dae later bel, was sy reeds besig om 'n visum vir die kuier te reël. "My kleinseun het die groot tjek in sy kamer opgeplak. Dis maar goed ek het die tjek gehad, want my familie het gedink ek trek hul been toe ek bel om te sê ek het gewen!"

Fay sê die naweek in Kaapstad om die Nelson Mandela 27 for Freedom-pretloop by te woon was 'n wonderlike ervaring. "Huisgenoot en YOU het ons soos koninklikes behandel; dit was regtig 'n voorreg."

As jy een van Huisgenoot of YOU se volgende wenners wil wees, maak seker jy is 'n deelnemer in die Maand-van-liefde-kompetisie wat tans in die tydskrif is. Daar is weeklikse pryse sowel as 'n bonus-kontantprys van R200 000 op die spel en daar is nog net twee weke oor om in te skryf! As jy een van die uitgawes misgeloop het, kan jy dit bestel. Bel 0860-103-686, stuur 'n e-pos na of stuur 'n SMS met die woord HUISGENOOT, jou naam en kontakbesonderhede na 32113.


Media24 Weeklikse Tydskrifte is die uitgewer van Huisgenoot, YOU, DRUM, Landbouweekblad, Huisgenoot-Tempo, SA Hunter/Jagter, NewsNow/NuusNou, TVPlus, Finweek en Heat.